Меѓународната конференција за музеи „Запознај, види, направи 2024 година“ (Meet, See, Do 2024) во организација на Балканската музејска мрежа се одржа на 18 и 19 април во Тиват, Црна Гора.
Повеќе од петнаесет сесии, предавања, паралелни работилници и презентации беа со фокус на главната тема – Заштита на културното наследство во време на криза. Седумдесетина претставници од 17 земји, дискутираа за прашањата на културното наследство во време на вооружени конфликти, природни и климатски катастрофи, борба против недозволената трговија со културно наследство; улогата на примената на технолошките решенија како АИ и ВР/АР во заштитата на културното наследство и други.
Музејот на македонската борба за самостојност е член на Балканската музејска мрежа и на конференцијата беше претставен од м-р Маја Миноска Павловска со презентација на тема „Анатомија на музејски водич“.
„Запознај, види, направи“ е организирана од Балканската музејска мрежа, со поддрша на Хедли Траст од Велика Британија, (Headley Trust UK) и кофинансирана од програмата Хоризонт на Европската Унија преку проектите АУРОРА и ШИФТ.










