Реализиран проектот Дигитализација на музејски предмети од збирката „Македонија во Втората светска војна“

Музејот го реализираше проектот Дигитализација на музејски предмети од збирката „Македонија во Втората светска војна“, со кој се исполнуваат основните и оперативните цели на заштита и се создаваат подобрени и соодветни услови за одржување, чување, трајно зачувување и достапност на музејските збирки за широката публика.

Музејските предмети во овој случај претставуваат документарен материјал во нестандарден формат, од кои првиот – Книга (фото албум) – Rat i revolucija naroda Jugoslavije  1941-1945 и вториот Фото албумот фотографии од НОВ и ПОЈ во Македонија и Југославија во период 1941-1948. Со процесот на дигитализација материјалот е задржан во автентична форма, со сите податоци што со себе ги носи изворот, при што е спречено дополнително физичко оштетување на хартијата која по природа е фрагилна, и создадени се предуслови за поголема ефикасност во истражувањата (истражување по клучни зборови) и подобрена достапност за пошироката публика.

Континуираното збогатување на музејската збирки е резултат и на дополнителнителни истражувања на архивските фондови – 411 Натписи од весници 1919-1941 – и 173 Градски одбор на АФЖ  (Kонференција на општествена активност на жените) на Прилеп, во Државниот архив на РСМ Подрачно одделение – Прилеп, чии примарни и секундарни историски извори автентично ќе ги илустрираат музејските предмети кои се дел од оваа збирка.

Проектот, чиј автор е Данијела Трајкова-Крстиќ, виш кустос, е поддржан од Годишната програма за остварување на национален интерес во културата на Министерството за култура и туризам за 2025 година.

Scroll to Top