Обука за заштита и спасување во Музејот на македонската борба

Музејот на македонската борба за самостојност во соработка со Дирекцијата за заштита и спасување организираше основна обука за заштита и спасување, согласно Законот за заштита и спасување, која е законска обврска и е од суштинска важност за заштитата на вработените, посетителите и сите останати лица во рамките на објектот, материјалните и културните добра. За таа цел се формирани силите за заштита и спасување во рамки на установата – Штаб и Единица.
Во координација со Дирекцијата за заштита и спасување, вработените ја имаа можноста за здобивање со соодветни знаења и практики од споменатата област и сертификати за завршена обука во врска со функционалната поставеност на системот за заштита и спасување, противпожарна заштита, евакуација на вработените и посетителите, пребарување на објектот во случај на пожар.
Голема благодарност за укажаната соработка и ангажман до Рамадан Асани- раководител на одделението за обуки во Дирекцијата за заштита и спасување и Жаклина Ангеловска – помлад соработник на мерка Заштита и спасување од плитки урнатини во Дирекцијата за заштита и спасување, кои беа предавачи на денешната обука. Благодарност до Митко Богдановски – надворешен стручен соработник во областа на одбраната и заштитата, за неговите стручни упатства и мислења во врска со функционирање на Проценка на загрозеност и План за заштита и спасување по мерки за заштита и спасување согласно Закон за заштита и спасување и Закон за заштита на културно наследство, како и до претставниците на Црвениот Крст на Град Скопје.
Модератор на настанот беше Елизабета Марковска, кустос.
Фотографии: Фросина Ристовска
Scroll to Top