ПРОДОЛЖУВА СОРАБОТКАТА СО МУЗЕЈОТ НА МАКЕДОНСКАТА БОРБА
Соработката на Државниот архив со НУ Музеј на македонската борба за самостојност и оваа година е приоритет и успешно продолжува, особено во истражувачката дејност. Заеднички се започнати истражувања на фондови на историски документи и материјали кои не се обработувани речиси 30 години. Тоа сефондот - Париската мировна конференција од 1919 година, како и фондот со документи од македонските друштва во Швајцарија (1918-1919), кои се микрофилмувани и со сигнатура, донесени од Кантонската универзитетска библиотека во Лозана.
Ваквата успешна соработка меѓу експертите на двете институции се заснова врз насоките и елементите содржани во Спогодбата за соработка, што пред повеќе од една година ја потпишаа доректорите, Даниела Николова и д-р Емил Крстески.
